رواية سرق قلبي الجزء الاول الحلقه الأولي حصريه وجديده على مدونة أفكارنا
 |
رواية سرق قلبي الجزء الاول الحلقه الأولي حصريه وجديده على مدونة أفكارنا
الساعه 8 صباحاً
ندى ...... صباح الخير
منير(نايم على سريره)..... صباح النور ، ليش متأخره اليوم؟
ندى(بتخلع بملابسها) ..... باص الممرضات تأخر، ااااخ ميته نعس المناوبة مبارح متعبه 🥱
منير ..... النسوان اكثرهم بولدو بالليل، ليش قبلتي المناوبة لتغلبي حالك وتغلبيني معك !!
ندى...... البنات غَلبوك مبارح؟!
منير .... تعودت على غلبتهم ، مشيتهم على المدرسه والصغيره تحت عند امي
ندى...... بدي انام واشبع نوم
منير (بزعل).... يعني اقوم اعمل قهوتي لحالي قبل ما اطلع على الشغل؟!
ندى .... منير انا تعبانه بدي انام اعمل لحالك
منير .... ما حدا ضاربك على ايدك لتشتغلي ، مليون مره قلتلك بلاش شغل وقعدي ارتاحي وانتبهي الي وللبنات .
ندى ..... بدنا نعيد موال كل يوم؟
منير .... يا ندى النا عشر سنوات مزوجين وحالتنا الماديه منيحه وانا شايف انك تقعدي بالبيت معززه مكرمه بلاش هالمرمطه، والله متمني نطلع طلعه مع بعض وننبسط
ندى .... منير حل عني وبدي انام
منير ... لا اله الا الله ، بدي اللبس واطلع على دوام
ندى.... الله معك
منير(بتأفف)....... بشرب قهوتي بمكتبي
غطت راسها بالحرام ونامت ، ومنير لبس وطلع على شغله
رواية سرق قلبي الجزء الاول الحلقه الأولي حصريه وجديده على مدونة أفكارنا
لعرفكم على منير وندى
منير عمره 35 سنة ضابط بالامن العام، شخصيته حلوة طويل، وجسم رياضي😍 وملامحه جميلة، بداوم بمدينة المفرق وبعيش باحدى بلدات اربد ، شب حاصل على شهادة دبلوم متوسط ، ثقف نفسه بنفسه ، اجتماعي، يملك هويات مختلفه، منها التصوير الفوتوغرافي، والرسم على الجدران، حالته الماديه جيدة راتب الشغل وفاتح محلات تجارية ومأجرهم ، بحب شمات الهوا والرحلات، ومحبوب من اهله واقربائه، وجيرانه ونسايبه كثير .
اما ندى عمرها قريب من عمر زوجها 34 سنة، ممرضه جمالها عادي جدا ، وبحكم وظيفتها علاقتها الاجتماعيه شبه معدومه، متمسكه بوظيفتها ،رغم رفض منير لطبيعة شغلها ليلاً في بعض الأحيان، غير مهتمه ببيتها، ما بتضبط لسانها، شغلها اهم من كل اشي، عندهم ثلاث بنات 9سنوات و7 سنوات و5 سنوات ، منير بحب بناته كثير، حتى انه بدير باله عليهم اكثر من امهم، يسكن هو واخوانه حوالين بعض، هو الوحيد الي بسكن طابق ثاني فوق بيت أمه الي بتعيش لحالها بالبيت ،بعد وفاة ابوة ،منير الشب الوحيد الاكثر اختلاط مع امه، بتحبه اكثر واحد لانه بقعد عندها يوميا تقريبا وكيف ما طلع على بيته او نزل ، بتكون قباله، بيخدمها وبلبي جميع طلباتها،خواته واخوانه كلهم متزوجين، بس بيتها مزار للكل ... منير هو الابن الثاني واخوه الكبير محمد واله ثلاث اخوه اصغر منه وخوات 5، منهم وحده توأمه وهي اقرب وحده اله.(الي خبرتنا بقصة منير)
منير هو نازل على شغله شافته امه
ام محمد ..... وين يماااا تعاال افطر معي انا وبنتك ، بعرف انك ما افطرت، ولا حتى شربت قهوتك
منير ...... اتأخرت يما صحتين وعافيه
ام محمد.....الله يهديها مرتك ، روح يما الله معك ويحميك
ام محمد(بينها وبين نفسها)..... الله يعينك على هالعيشه يما
ولا كأنك متجوز
.
.
.
.
منير .... السلام عليكم شباب
ياسر.... هلا سيدي
منير ..... في شغل
ياسر..... حاليا لا
منير .... وصيلي على فنجان قهوه بسرعه
ياسر...... حاضر
منير شغل سيجاره وبلش يتصفح بتلفونه، لقى صديقه رامي باعثله على واتساب
كيفك يا بطل عملت مجموعه على الفيس سميتها الاصدقاء الحقيقيون
شو رأيك تنضم النا، كل الشباب فيها، خلينا نتسلى
رن منير على صديقه
((رامي صديق منير المقرب جدا، من ايام الدراسه الأبتداىية، ابن بلدته، وبعيشو بنفس الحي وبتربطهم القرابه والنسب))
منير .... ههههههه طيب شو هدف المجموعه؟
رامي...... بصراحه ما في هدف محدد الها
منير..... بدك تضيفيني على راحتك بس لا تستنى مني اشي
رامي ... اكيد بدنا نشوف ابداعاتك بالتصوير
منير .... الصور كثيره معي ، شو رأيكم نطلع مشوار بعد المغرب بعد بكره نغير جو
رامي.... انت ما بتمل من شمات الهوا
منير ..... يا زلمه شو ماخذين معنا خلينا ننبسط
رامي ..... طيب خليها بكره بنلتقي
منير .... انا طالع لعمان بكره، في شغل بالقيادة العامه ، خليها لبعد بكره
رامي..... طيب .. سلام
رواية سرق قلبي الجزء الاول الحلقه الأولي حصريه وجديده على مدونة أفكارنا
نور ..... عمو معلش بكره تجددلي رخصة السنتر ، لاني مشغوله، وخايفه أتأخر كمان شوي، وتتراكم الغرامه، او يصير في تفتيش فجأة
عادل..... من عيوني عمو
نور ... شكرا
عادل..... انتي بس شدي حيلك بمناقشة الدكتوراة الاسبوع الجاي
نور..... مو هكلانه همها ابدا، وثقانه بحالي كتير، ومتحمسه الها اكتر من اي شي تاني
مرت عمها..... طول عمرك شاطره ما شاء الله عنك
نور .... عن اذنكم بدي اطلع على الشغل
.
.
اعرفكم على نور
بنت جميلة فوق ما بتتصورو، شقراء عيونها واسعه زرقاء، شعرها خيوط الذهب طولها ممشوق وجسمها متناسق بشكل رائع، غير متحجبه ، تعاملها رائع ، ولبسها محتشم ، راقيه بمعنى الكلمه، غنيه، متعلمه دكتوره بعلم الأجتماع، ابويها متوفين، لها اخ دكتور طب خارج البلاد، واخت اكبر منها متزوجه، تعيش ببيت عمها، بحكم انها لوحدها ،مع انه الها بيت كبير صار ملك خاص لها (بيت العيله ، بعد ما اتصافت مع اخوانها ليضل الها) انشأت مشروع خاص بعيد كل البعد عن مجال تخصصها ، (بيوتي سنتر ) واخذت دوره تعليميه لكي تستطيع ادارته من جهة وممارسة هوايتها من جهة اخرى ....
في الطريق وازمة السير بعمان نور بتقود سياره فخمه وحديثه
نور(بتذمر) .... اففف يا ربي شو هالازمه
منير بنفس الطريق بعمان وكان ورا نور بالضبط فتحت الطريق ومشت السيارات
منير .... اتأخرت افففف
وفجأة زاد السرعه منير وضرب سيارة نور من ورا .... هبااااااااااا
منير ... اعوذ بالله من الشيطان الرجيم شو هالعلقه الي على الصبح
نور .... لاااااااا 🥺
رجع منير لورا وصف على جنب ،ونزل من سيارته، ونور صفت على جنب ونزلت تتفقد سيارتها
منير وهو بتفرج على الضربه
منير ..... الحمدلله على السلامه انا آسف
لما شاف نور
منير(بينه وبين نفسه) ..... ما شاء الله تبارك الرحمن شوووو هاذ
نور ..... الله يسلمك الضربه بسيطه مو مشكله
منير ... انا تحت آمرك اي تكلفه انا مستعد، واذا حابه تعملي كروكه انا جاهز
نور(مبتسمه) .... مو محرزه ما بتستاهل
منير .... ما بصير
نور ..... انت ضابط بالامن هيك باين من لِباسك، ما دام انا مسامحيتك ما في مشكله موو؟
منير(ابتسم) .... صح
نور..... يبقى انتهى الموضوع
منير .... شكرا الك
نور..... عفوا
رواية سرق قلبي الجزء الاول الحلقه الأولي حصريه وجديده على مدونة أفكارنا
بنفس اليوم ومنير بطريق عودته على اربد ، كانت نور بنفس الشارع ، اشارة الضوء صارت حمرا والصدفه خلت الاتنين يوقفوا بحد بعض، نور لفتت نظر منير مباشره وفتح شباك سيارته ورفع ايده باشارة سلام لنور ، بالبداية نور ما انتبهت بعدين انتبهت ، وابتسمت ، وهز راسه منير الها بمعنى الشكر الها ، وفتحت الاشارة وكل واحد راح بطريقه ..
.
.
.
منير رجع للبيت
منير .... مرحبا يمااا
ام محمد..... هلا يمااا، يعطيك العافيه
منير .... اسكتي يا حجه اليوم شفت القمر شخصيا بيمشي على الارض
ام محمد.... اي قمر
منير قعد بجنب امه ،
منير .... شو بنت يماااا ما شاء الله عمري بحياتي ما شفت ولا رح اشوف مثلها ، ما فيها اي عيب جمال كامل ، الكمال لله ، بس لو تشوفيها ما بتصدقي انه في جمال عنا بالاردن مثله
ام محمد.... مش عادتك ، انت غير عن اخوانك ما بتنتبه لهيك شغلات،ولا عمرك جبت سيرت بنت، حتى انا الي نقيتلك ندى، تعال جاي وين شايفها هاي البنت؟!!!
منير..... عملت حادث معها بعمان
ام محمد..... شووو؟!!!
منير..... لا تخافي ضربه بسيطه ، ضربت سيارتها من ورا وهي سامحتني
ام محمد.... هاي لانها سامحتك عجبتك
منير..... لما شفتها ذَكرت الله من جمالها ما شاء عليها
ام محمد .... الله يخليها لاهلها ويستر عليها ، هسا ما بدك تقنع مرتك تشوف وضعها بدنا ولد الك
منير..... يما انتي بتعرفي ندى، ما بتحب نظل نجيب سيرة هالموضوع، راسها قاسي
ام محمد..... اذا قاسي بنكسره ، بدنا ولد، اخو لهالبنات
منير.... تا نعرف نلتقي انا وياها بيوم ، انا بداوم وهي بتعطل ولما اعطل هي بداوم ،تا يريد ربك بصير
ام محمد..... اسمع اقلك الزلمه مش مثل المراه ترا ،بس تصير بسن معين بتبطل تخلف
منير..... طيب يما خلص ، خليني اطلع اتحمم وأرتاح شوي
طلع لبيته كانت ندى بتشتغل
منير .... مرحبا
ندى .. اهلين
منير.... بدي اخذ دش واتمدد شوي
ندى.. طيب
بعد شوي
مد جسمه على السرير وحط اديه الثنتين تحت راسه واخذ نفس طويل ، واجت صورة نور بين عيونه
منير..... استغفر الله العظيم
غمض عيونه لحظه ورجع اخذ نفس
منير .... غريبه !!!!
دخلت ندى على الغرفه
ندى .... البيت ناقصه شويت اغراض يا منير
منير..... انتي بس شفتيني بدي ارتاح شوي صرتي تطلبي ، خليني ساعة زمن ارتاح وبعدها بنزل لسوق
ندى..... بدنا نتغدى
منير. .... طيب صبي الغدا هيني جاي ، لا حول ولا قوة الا بالله
.
.
.
رامي .... اهلا وسهلا كيفك
منير ... الحمدلله
رامي.... ضفنا اكثر من الف واحد للجروب
منير .... ليش شاد حيلك يعني، اتركني من هالشغله
رامي..... يزلمه بنتسلى
منير..... في الف شغله بتسلي ما لقيت غير هالشغله، فيها وجع راس
رامي .... انا ضفتك بكل الاحوال اقبل الاضافه، واذا بَمون عليك ابعث لكل الي عندك دعوة اله، كل واحد بدعو الي عنده بهيك خلال اشهر هالجروب بكبر
منير ... هههههههههه مهتم من كل عقله هههههههههه
رامي..... نزل كم شغله من تصويرك على الجروب
منير.... حاضر يا حضرة المدير هههههههههههه.بس حاب اخذ رايك بشغله
رامي.... شو هي لتكون بدك تبدل سيارتك كالعاده
منير ... لا هاي السياره مرتاحلها، .....الشغله انه ممكن الواحد يشوف أشي، وبعدها يضل يفكر فيها رغم انه ما بعرف عنها اي شي حتى ممكن ما يقدر يشوفها مره ثانيه؟!!!
رامي ..... بتتخوث انت؟! شو هي الشغله؟!! سؤالك ناقص
منير...... يعني شفت اشي لدقيقه وبعدها راحت بحالها، وانت صرت تشوف هالشغله بخيالك كل يوم مع انك...... قاطعه رامي
رامي .... منير انت بتعرف اني انا بالذات عن دون العالم بفهمك، هات من الآخر واحكيلي هاالشغله شو هي لحتى اعرف اجوابك بلا لف ودوران
منير ..... هههههههه طيب لما نزلت على عمان المره الماضيه صار معي حادث بسيط وضربت سيارة بنت من ورا وسامحتني رغم اني عرضت عليها انه اصلحها ، وهاي البنت ما شفتها الا نظره وحده
مش راضيه تروح من بالي
رامي .... ههههههههه لو واحد ثاني حكالي هالشي ما بستغرب، بس انت يا منير انا مستغرب كثير مش عادتك انه بنت تلفت نظرك
منير .... ما بعرف ، مش لانها حلوه بس في اشي صار
رامي .... حلوه!!
منير..... اكثر ما بتصور ، بس صدقني مش لانها حلوه ، مش عارف كيف بدي اوصفلك يعن.... قاطعه رامي
رامي ..... مش مصدق انه انت الي بتحكي ، هههههه
منير .. . اصلا ولا بعرف عنها اشي راحت بحالها بس حبيت احكيلك
رامي ..... انسى يا زلمه حدث من هالحياه بروح بحاله
منير ... صحيح
.
.
.
.
نور .... الو حبيبي
وائل... هلا
نور .... كيفك؟
وائل .... الحمدلله ، انتي كيفك
نور..... كيف الشغل
وائل .... عادي ، بس اشتقت للاردن
نور ..... تعال اجازة والله اشتقنالك
وائل.... حاليا ما بقدر ، بدي اثبت نفسي بهالمستشفى وأبلش اختصاص
نور .... الله يوفقك
وائل ... كيفك انتي وكيف همتك لبكره
نور.... والله يا اخي مرتاحه كتير ، واخيرا رح احقق حلم بابا وحلمي
وائل ... بالتوفيق عزيزتي ، سلميلي على عمي ومرته والاولاد
.
.
.
ناقشت نور رسالة الدكتوراة ، وكالعادة امتياز وتوفق وتميز ، وبنفس الاسبوع انعرض عليها التدريس للفصل القادم بنفس الجامعه..
عادل .... الف مبارك يا عمو
نور..... الله يبارك فيك
عادل..... واخيرا حققتي حلمك
نور(بلشت تبكي) .... وحلم بابا الله يرحمه
عادل ..... انتي بنت شجاعه يا ريت بنتي تكون متلك
مرت العم ..... الحفله رح تكون كبيره
نور..... معلش بلاش حفله
مرت العم.....وليش يا بنتي
نور..... بنعملها هون احنا ببعض بس
عادل ..... خليها على راحتها زي ما بدها
.
.
.
بعد شهر....
منير على سريره بتصفح التلفون ، الا
اشعار بالفيس بوك
(تفاعلت د.نور سهواني على صورتك ) واشعار اخر (علقت د. نور سهواني على صورتك )
دخل على التعليق ليشوفه
نور.... ( فن تصوير رائع، الصوره اعجبتني كتير)
فضول منير خلاه يدخل على بروفايل نور الي معلقه على صورته الي عرضها بمجموعة صديقه رامي، ما كان في صوره الها غير بعض المنشورات التعليميه ومباركة الاصدقاء الها بحصولها على الدكتوراة
رجع منير رد على تعليقها
منير.....(شكرا )
وكان الرد سريع، من نور
نور..... (الصوره مأخوذه من زاويه صح، واختيارك للمنظر عَكس جمال الطبيعه ، فعلا اول مره بشوف صوره لمنظر طبيعي ، فيها روح )
منير .... وانا اول مره في حدا بيفهم بالتصوير وبِقَدر الصور الي بلتقطها ، شكرا الك كثير
.
.
.
منى.... شو يا نور الك فتره مُهمله السنتر ولا شهادة الدكتوراة نستك شغلك المفضل
نور..... بَصدق باوراقي بوزارة التعليم العالي ، وانتي بتعرفي الاجراءات
منى ..... بس احنا ببداية الصيف يعني لازمنا حركه مشان الشغل
نور ... بعرف يا منى ، انتي شوفي اللازم
منى .... طلبية ميك اب والصبغات والكريمات طلبناها ، ضل بدنا نعمل عرض صور لميك اب والتسريحات للسنتر
نور.... قلتلك اعملي اللازم، انا شي يومين بكون فاضيه
((منى مو مجرد بنت بتشتغل بسنتر نور، هي صديقه لنور، متزوجه وعندها بنت صغيره ))
.
.
.
ام محمد..... يا ندى بعض الرجال ما ببان عليهم
ندى .... منير ما فكر هيك
ام محمد..... انتي مش بقلبه
ندى..... على بلاطه انا عملت فحوصات، وكل اشي تمام عندي، اذا ابنك بفكر بهالموضوع يروح يفحص ويشوف حاله
ام محمد .... بالله شو!!!! يفحص لويش هيوه خلف ثلاث بنات
ندى .... وانا خلفت الثلاث بنات كمان يا عمتي، الدور عليه
ام محمد .... الشغله مش شغله فَحص ، الشغله انك انتي وياه ما بتجتمعو سوى زي المتزوجين، ابني مظلوم معك، بيقعد بالبيت اكثر منك
ندى.... كيف ما بنجتمع؟!! والعطله وين بتروح؟!!!
ام محمد(لفت ثمها على جنب) ..... بتروح عند اهلها وبتنام عندهم وبتترك زوجها لحاله
ندى..... يعني بدكم تحرموني من اهلي
ام محمد .... لا يختي الله لا يحرم حدا من حدا ، بس هيني بنصحك ، قبل ما منير يُبقها بُوجهك ويقلك بدي ولد،
ندى...... بس يقلي بصير خير
.
.
.
.
منير..... مساء الخير
ندى ..... اهلا
منير .... عليكي مناوبه؟! شايفك بتلبسي
ندى..... والله بدلت مع صديقه الي
منير .... طيب ليش ما قلتيلي
ندى .... والله عندها ظرف طارئ،
منير ... يا بنت الناس بكره بدنا نطلع رحله لعجلون انا وياكي والبنات والي يومين بخطط الها، صاحبتك مش افضل منا
ندى..... روح انت والبنات وخذ امك
منير.... بدي انتي تروحي معنا مشان البنات مش مشاني ، يختي انتي ما بتزهقي من شغلك، ما بتفكري انه احنا بدنا اياكي معنا
ندى ..... صرت قايله لصاحبتي، ما بصير اتراجع
منير (مغلوب على امره)...... افف طيب يا ندى، لشوف شو آخريتها معك
.
.
.
ام محمد.....شو هالمَره هاي، الله يصلحها، ما تقعد مثل هالنسوان ببيتها وتشوف طلباته وطلبات جوزها
منير .... شو مالها؟! على سلامتها يما
ام محمد ... لا ما مالها ، النسوان بتمنوا جيزانهن، شمامين هوا وبحبن مرته تطلع معه ، وهي ولا على بالها، انت آخر همها
منير .... شغلها يما شغلها قلتلك الف مره بتحب شغلها وانا اعطيتها حرية فيه من اول يوم اتزوجنا، ما بقدر اضغط عليها
ام محمد .... مش لهالدرجه، هاي مرت اخوك الصغير موظفه وبتداوم للساعة ستة المسا، روح شوفها لبيتها، مثل مرتك ما شفت ، وكمان بدنا ولد الك، كل اخوانك عندهم اولاد الا انت جبتوا هالبنات وقعدتو ولا على بالكم
منير.... هاد بايد ربك يمااا لما يشاء بيجوا بأمره
ام محمد..... بيجوا من الهوا
منير ... انتي ما بتملي من هالموضوع.
ام محمد..... قالتلي انها عامله فحوصات ما فيها اشي ودورك انت تعمل
منير..... ههههههههه يما انا متأكد لا هي ولا انا فينا اشي ، مجرد وقت بس تا يريد الله
ام محمد(بأستسلام).... افففف والنعم بالله، اللحية الي مش بأيدك بتكيدك😏
.
.
.
نور..... كل شي تمام منى؟
منى..... المصور الي متعودين نجيبه مسافر ، بحاول الاقي غيره بنت او شب بس يكون شاطر ، انتي بتعرفي التصوير اله دور كبير
منى .... اكيد، بس يا ريت تشوفينا بكره واحد ضروري صرنا متفقين مع البنات مشان التصوير
منى..... رح شوف
بهاللحظه اجا ببالها هالشب، الي شافت مجموعه لصوره على المجموعه وعجبها فن تصوير كتير ، وخاصه انها هالمره ناويه تعمل العرض بالطبيعه مو داخل السنتر
نور ... استني شوي اااه في ببالي واحد خليني اتواصل معه ازا بوافق
منى ... هلأ شوفيه لحتى ما اتصل مع حدا
مسكت تلفونها وتصفحته لشافت التعليق الي صار بينهم من فتره ودخلت لبروفايله وبعثت رساله على المسنجر
نور.....مرحبا .. اسف لازعاجك، ممكن مساعده منك لو سمحت
منى..... شو صار ؟؟
نور..... لسى ما شاف الرساله
منى.... رني عليه
نور ... مو صديق عندي لأرنله بعتله رساله
منى ..... شو عرفك فيه
نور..... بنزل صور من تصويره وعجبتني كتير
منى.... شو يعني؟!! ليكون هاوي مو شغلته
نور..... اه هاوي
منى.... ما بيزبط بدك محترف
نور.... تصويره افضل من محترف
منى.... طيب شوفي رد عليكي ما بدنا نضيع وقت
نور.... بس يرد بوصلني رساله
ما في عشر دقائق كان منير راد على المسج
منير .... اهلا وسهلا ... تفضلي بلي بقدر عليه
نور....انا معجبه بتصويرك ، لهيك حابب اتعامل معك
منير.... ما فهمت؟!!!!
نور ... بدي مصور شاطر
منير .... انتي فهمانه غلط، انا مش شغلتي انا مجرد هاوي
نور .... بعرف انك هاوي مو شغلتك ، بس الصراحه انا بدي اعمل جلسات تصوير بالطبيعة
منير ... برضو مش فاهم شو بدك مني بالضبط 😅
نور.... انا صاحبة بيوتي سنتر وكل صيفيه بعمل جلسات تصوير لعرض شغلنا ، بس حابب هالسنة يكون بالطبيعة وانا كتير كتير عجبني تصويرك بالطبيعه وحبيت تكون انت المصور، وطبعا الك اجار على هالشي
منير .... انتي ببداية المحادثه قلتيلي بدي مساعدتك صحيح؟
نور ... صح
منير ...... المساعده ما الها ايجار صحيح؟!
نور..... صح بس لانه شغل
منير..... انا هاوي تصوير وبحب اتفنن بالتصوير، بس انا غير مسؤول عن اي اشي اذا ما عجبك
نور..... انا متأكده رح يعجبني
منير .... طيب ممكن اعرف وين مكانكم؟
نور.... بعمان
منير... عمان؟!!!!
نور..... اها انت من وين؟
منير .. اربد
نور .... لاااااا😔
منير.... مش مشكله عادي باجي ، بس اي وقت ومتى
نور.... بكره بعد الظهر
منير ... خلص هاذ رقمي وإبعثيلي لوكيشن لحتى اكون عندك بهالوقت .................07
نور.... كتير بشكرك
انهوا المحادثه
منى.... ها شو صار؟
نور.... خلص لقينا مُصور
منى ... ممتاز
.
.
.
منير .... ليش بوزك مترين شو مالك؟!
ندى.... امك مجننيتني، على الطلعه ونزله نفس الموضوع
منير..... مش قلتلك الف مره سايريها
ندى.... منير انت صحيح متضايق وبدك ولد
منير..... عمري شكيتلك؟!
ندى..... امك بتقلي منير ما مبين عليه بس مخبي بقلبه
منير..... لا مخبي بقلبي ولا بجيبتي انسي ، انا موكل امرنا لله هاي رزقه ومتى ربك ببعثها ببعثها
.
.
.
رامي ... يعني ؟!
منير .... بجرب شو وراي
رامي.... انت ضابط امن ما بصير انت بتعرف القوانين
منير .... يا زلمه مش شغل ، مساعده
رامي.... مساعدة شو ؟! تغلب حالك مشوار من اربد لعمان
منير.... البنت طلبت مساعده وانت بتعرفني عمري ما قصرت مع حدا ، كمان شو هالغلبه بكل الاحوال حضها بفلق الصخر بكره مش مداوم ، اقلك حتى لو مداوم بأخذ اجازه ، والتصوير هوايتي وبحبها ، متعه عندي.
رامي(غمز عينه) ... ايوا قول هيك ، بنت كيف بدك ترفضلها طلب
منير (بزعل).... راااامي انت بتعرف اني مش صاحب هالقصص
رامي..... بمزح معك يا زلمه والله بعرف انك زلمه رزين ما الك على هالشغلات
منير ... طيب وَلعلي سيجاره وصبلي كاسة شاي
رامي .... حاضر حضرة الضابط هههههههه
.
.
.
ندى .... ليش طالع لعمان بكره؟؟
منير (سرح شوي وتردد ).... في وحده شافت الصور الي بصورها وعجبتها وطلبت مني اصورلها شغل الهم
ندى ... بدك تروح لعمان مشان تصور؟!!
منير.... طلبت مساعده يا ندى !! شو اقلها !! ما بدي اساعدك
ندى.... اه قلها اسف
منير .... وانتي بتعرفيني مستحيل حدا يطلب مساعده وارفضها خاصه اذا بقدر عليها
ندى..... ممنوع تروح، ناس ما بتعرفهم ليش لتساعدهم؟!! وكمان بدون مصاري!
منير .... شوو؟!!! بتمنعيني؟!
ندى..... اه بمنعك
منير..... وحدي الله ، الله يرضى عليكي وتعالي اقلك
قرب منير منها وباسها على خدها
منير .... بتغاري عليه؟!
ندى .... مش قصة غيرة ، يعني مشوار لعمان وتكلف حالك لمساعده بدون مصاري ضايقني
منير ..... فكرتك غيرتي، بس انتي اكثر واحد بعرفني يا ندى ، عشر سنوات عمرك ما لاحظتي اي اشي صدر مني بضايقك بهيك مواضيع!!
ندى.... لا ابدا
منير..... انا بخاف الله، لا تنسي هالشي ، وخلي عقلك كبير ، وكمان لا تنسي انك مداومه يعني اقعد متل القرد بالدار ، هيك بستمتع بهوايتي ، وبمضي وقتي
ندى ... يعني مصر تروح ؟!
منير ... اه، لا تعملي نكد هالليله، النا زمان ما اجتمعنا مع بعض .... (وسحبها من ايدها وفاتوا على غرفتهم🙈)
.
.
.
صباح اليوم الثاني
ندى..... صباح الخير
منير .... صباح الورد
ندى... البنات مشيتهم على المدرسه وسوسو بعدها نايمه
منير .... خليها نايمه، بس تصحى بنزلها على امي
ندى.... بدي اخذ دش واطلع لشغلي
منير ... وقهوتي
ندى ... قوم اعمل الي والك لحتى اجهز حالي ههههه
منير(بأبتسامه) ... آمري لله .......
.
.
.
رن تلفون منير ساعه 10 الصبح
نور..... الو مرحبا
كان صوت رقيق وناعم وجذاب
منير .... اهلين
نور..... انا نور
منير ... ااااه اهلا وسهلا
نور..... آسفه ازا رنيت عليك ، بس بدي ازكرك بموضوع التصوير
منير ... مش مشكله، متذكر وان شاء الله رح اجي
نور ... بعتلك اللوكيشن على رقمك من شوي ، رح اكون بانتظارك
منير .... ان شاء الله
.
.
.
عمااان
صف سيارته بالمكان حسب اللوكشن واطلع يمين وشمال ما شاف لا سنتر ولا ما يحزنون واضطر يرن على نور
منير .... الو سلام عليكم
نور .... اهلا وين صرت؟؟
منير.... انا وصلت حسب اللوكشن واقف بمكاني
نور ..... ااااااه صحيح، كتير آسفه اللوكشن ديما بيعطي غلط
منير .... كيف غلط؟!!
نور.... انت بالشارع الامامي لسنتر ، يعني لو ترجع لورا شوي ،وتدخل بالشارع الي وراك، بكون السنتر بوجهك، ورح كون انا واقفه بره هلأ
منير.... خلص عرفت
لف منير ورجع لورا وشاف وحده من بعيد واقفه وشاف السنتر
وقف السياره وشاف نور ورجع راسه لورا وغمض عيونه نص تسكيره ،ليتأكد انه الي شايفها البنت الي ضرب سيارتها من ورا
من شهرين، وكانت فعلا هى، لانه مستحيل ينسى هالوجه .....
نور ممكن تذكر منير؟!
شو ممكن يصير معهم بعد هالصدفه؟!
الفصل الثاني والثالث والرابع والخامس من هنا