 |
_زوجتك نفسي يا واد عمي... هه يلا...
=يخربيتك!
سكريبت كامل
_مالك يا قرة عيني!
=فين الحياء و الأدب!
_حياء انتحرت و الادب قرأوا عليه الفاتحة..
=يابت اتلمي!... ثم قولتلك مليون مرة مش هاتجوزك مش بحبك هو بالعافية!
_هاتحبني بعد الخطوبة و هاتعشقني بعد الجواز...
=اللهم طولك ياروح... جرا إيه يا عمي!
≠والله يابني انا بعترف اني اتغافلت عن تربيتها...
_ايوة و اللي عنده معزة يلمها... لمني بقا ي واد عمي!..
=يابنتي انتي مش مكسوفة و لا خايفة م اللي بتعمليه دا قدام الكل كدا!
_المثل بيقول اخطب لبنتك و ماتخطبش ل ابنك..
=يا صبر أيوب! مش عارف تاركينك عليا ليه!... انا هاخطب الاسبوع الجاي خلي عندك كرامة بقا!
_تؤتؤ مش هايحصل... مش هايتم...
=أوعى يكون عاملتيلهم حاجة!
_عادي زي كل مرة تهديد بسيط..
=عملتي إيه!
_هددتها هي و أمها بمية نار..و شوية ترهيب كدا لزوم الخضة و الخوف...
=على كدا بقا ليكي يد في فشكلتي مع مي!
_فضحتها عند أهلها و اخدت اللي فيه النصيب...
=يبقى ليكي يد في حوار شرين اللي قابلها!
_عادي كنت بكلمها على اساس انت في اوقات كتير و كنت ببهدلها، يحرام البت شكت انك مريض نفسي ف خلعت...
_ينهارك أسود! بتكلميها من عندي إزاي!..ثانية واحدة على كدا اللي كان بيحصل ع اكونت الفيس...
=ابتسمت:عرفت الباسورد و بفتحه...
_و الواتس..
=هكرته..
_يا بت انتي إيه الجباروت دا!
=اقسم بالله يا حسن ما هاتشرب البيبس في الكوشة عكس عكاس غير معايا...
_بيبس!
=آه عشان مش بحب الشربات...
_لا دا ميتسكتش عليكي كدا! انتي مجنونة فعلا!
=مجنونة بحبك يا ابو غمزات قمر انت...
_يا بابا!يا عمي! شوفلكو صرفة معاها قبل ماخنقها انا على اخري منها..
≠والله يابني مش عارف اقولك إيه! خصوصا بعد الجُرس اللي عاملالهنا مع العرسان و الناس..
_كمان! مش عاتقة!
≠اقولك إيه بس يا بني عريس الاسبوع اللي فات طفش لما قالتله إنها عندها تبول لا إرادي و بتاع الاسبوع ده عملت عليها جن عاشق و بهدلته لدرجة أن الواد مبقاش نافع و طلعت عينه.. و غيره و غيره...
_أنتي مجنونة فعلا!
=العشق جنون...
_تقومي تعملي دا كله!
=انت حبي و شغفي في الحياة و لن يهدأ لي بال حتى افوز بك يا اجمل انتصاراتي...
_يا سلام على الرقة و الثقافة..
=إيه رأيك دي طقطوقة صغننة بس يكون في علمك و إن شاء الله هاورثها لمازن و يوسف و قمر...
_مين دول كمان!
=ولادنا يا بيبي...
_ثانية واحدة... بعد دا كله ماستبعدش انك تسحريلي
=ابدا والله... تخاطر بس...
_يانهار ابوكي اسود! كمان!
=عادي كل شيء مباح في الحب و الحرب
_اقسم بالله مافيش لا عقل و لا أدب و لا كرامة!
=مافيش كرامة بين الزوجين يابو العيال...
_يا جدعان الحوقني و الله اعصابي هتفلت عليها...
*أمه: والله يابني غلبنا معاها كلنا بنت المجانين دي...
=بصتلها:عارفة يا مرات عمي إنك مش بتحبيني و عايزة تجوزيه بنت اختك...بس هاستحملك و هاحبك علشان انتي أم قرة عيني بس و جبتيلي القمر دا...
$ابوه:يابني دي جرستنا كلنا مع كل الناس و قدام أي حد...دي مش لاقية اللي يشكمها...
=ايوة منتظرة حسن يسترني و هو اللي يشكمني...
@امها: يابني اتجوزها بقا و خالينا نخلص دي وقفت حالها قبل حالك...
_ مستحيل!
=تمام كدا انتهت كل الحلول و مفضلش غير الحل النهائي...
_ ولا يهمني هاتعملي إيه يعني!
= أبدا هافبرك صورك مع صور البت شيماء جارتنا و هابعتها لابوها...و انت عارفهم صعايدة و الطار ولا العار ياولدي... مع أنه تعز عليا...
_يخربيتك! ...بس لا مش هايصدقوا... أو اخرها هايجوزهاني و كدا رحمة ليا عنك...
= ابن خالها كتب عليها من تلات ايام... و هو كمان صعيدي يعني لو اهلها عدوها جوزها و أهله لا و الدم هو الحل...
_اخرتها يا شهد عايزة تموتيني..
=إن لم تكن لي فلن تكن لأحد يابن صفاء...
_لله الأمر من قبل و من بعد... وحسبي الله فيكي...
غادةعادل