مفيد جدااااااااااا
كل الستات القمرات تجمع بسرعه وتدخل علي البوست ده وتعمله مشاركه كمان
افكار_للستات_الشطار
١- لما باخد مصروف الشهر بروح اجيب اربع او خمس فرخات بقطعهم ارباع واخد الجوانج والرقبه اشيلهم في كيس والكبد والقوانص في كيس والصدور بعملها بانيه حوالى كيلو كده والوراك في بقسمهم على كياس كده ضمنتى تقريبا ٧ ايام تقريبا في الشهر منهم فراخ لو عددكم كبير هتشترى بس نص كيلو جوانج او كبد وقوانص وتكملى وقطعى بطاطس مكعبات مع الكبد والقوانص هتبقى جميله .
🌺🌺👇
٢-بروح السوبر ماركت اشترى حاجه الشهر زى طبق بيض اوفر من القطاعى لبن علبتين حلاوة جبن لانشون بشترى عجوة كمان مفيدة وخفيفه هتقلل نزولك الشارع شويه.
🌺🌺👇
٣-اشترى نص زبدة بلدى وسيحيها على علبه سمنه روابي او كريستال هتدى طعم للاكل وريحه وكمان هتقعد عندك بالشهرين.
🌺🌺👇
٤- لما تشترى فاكهه من بتاعت الموسم اشترى كيلو ونص مثلا فراوله او مانجا او اى حاجه بتتخزن شيلى النص في الفريزر تخزين مره على مره هتلاقى نفسك خزنتى من غير ماتحسى.
🌺🌺👇
٥- معظم اجوازنا بيروحوا الشغل من غير فطار بس صينيه الكيك مش هتغلبك وحطيها قدامه دايما بحيث وهو رايح الشغل ياخد حتى لو قطعه يغير ريقه بيها.
🌺🌺👇
٦-وانت بتاخدى شاور اقفى في طبق مايه سخنه برجلك على ماتخلصى هتكون رجلك بقت فله مع دعكه حجر خفيفه وهاتى علبه فازلين وعليها نقطتين لون طعام احمر وشويه جلسرين هيبقى عندك احسن كريم دم غزال لكعب رجلك.
🌺🌺👇
٧-علب التخزين دى جميله ومريحه وهتوسع معاكى الدنيا.
🌺🌺👇
٨- وانت بتشترى اى حاجه وباقى معاكى فكه ممكن تحطيهم في حصاله زى ما قولتلك او تشترى بيهم بونبونى وزعيهم على اطفال الشارع بتاعك.
🌺🌺👇
٩-كيلو السمك مش غالى هاتى ٢او ٣ كيلو مع بضاعه الشهر وقسميهم على عددكم في الفريزر بقى عندك ٣ او ٤ ايام سمك في الشهر كمان مع ٢ كيلو لحمه ونص الشهر هيبقى لحوم واسماك وفراخ وهبقى انزل بوست لوحده ازاى تستفيدى من مصروف البيت وتحسنى مستوى الاكل اكتر وبتوفير اقل.
🌺🌺👇
١٠- البيت مش كل حاجه ولبدنك عليك حق متاكليش بواقى عيالك زى مابتوقفى تعملى اكل وتسعديهم اقفى لنفسك واعملى اللى تحبيه عشان تقدرى تكملى وانت راضيه ومبسوطه حتى ولادك وجوزك يهتموا بيكى اكتر زى مابتهتمى بيهم يا قلبي
🌺 لو لقيييت تفاعل ع البوست ده حلو هنزلكو البوست التاني 🙈
التعليقات بصلاة علي الحبيب المصطفى صلى الله عليه وسلم 🌹🌺 🌺🥰